Էսաեան վարժարանին մէջ 2024-2025 կրթական շրջանի սկիզբը դրուեցաւ՝ ընտանեկան մեծ համախմբումի մը մթնոլորտով։ Վերամուտի եռուզեռը զգալի էր ամէնուրեք։ Մինչ տղաքը ամրան արձակուրդէն վերջ զիրար վերագտնելու երջանկութիւնը կ՚ապրէին, կրթական մշակներն ու դպրոցի միւս պատասխանատուներն ալ աշխատանքային նոր շրջանին ընդառաջ համակուած էին բարձր տրամադրութեամբ։
Գատըգիւղի Արամեան-Ունճեան վարժարանին մէջ վերամուտը առիթ դարձաւ մեծ խանդավառութեան։ Դպրոցը այս տարի 151-րդ անգամ բացած է իր դռները։
Ս. Խաչ դպրեվանքի ընտանիքը այս տարի եւս վերամուտը դիմաւորեց՝ հաստատութեան վանահօր՝ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի օրհնութեամբ։ 2024-2025 տարեշրջանի մեկնարկին ձօնուած հանդէսը համախմբեց Ամեն. Ս. Պատրիարք Հայրը, հոգեւորականաց դասէն ներկայացուցիչներ, Ս. Խաչ դպրեվանքի պատասխանատուներն ու սաները։
Թոփգաբուի Լեւոն-Վարդուհեան վարժարանին մէջ հնչեց 2024-2025 կրթական շրջանի առաջին զանգը։
Վերամուտի օրը Թոփգաբուի ընտանիքը համակուած էր բարձր տրամադրութեամբ։
2024-2025 կրթական շրջանը Գալֆաեան տան մէջ սկսաւ բարձր տրամադրութեամբ։ Վարժարանի աշակերտութիւնը ջերմօրէն շրջապատուեցաւ բոլոր պատասխանատուներու, նաեւ ծնողներու եւ հիւրերու կողմէ։
Համակրելի մեներգչուհի Սիպիլ վերջերս կեանքի կոչած է նոր ծրագիր մը, որով կը պատրաստուի «Բարի լոյս» ըսել երաժշտասէրներուն։ «Բարի լոյս»ին տեսահոլովակը քանի մը օրէն հասանելի պիտի ըլլայ YouTube-ի վրայ։
Երէկ երեկոյեան Սամաթիոյ Ս. Գէորգ եկեղեցւոյ շրջափակին մէջ տեղի ունեցաւ՝ 2024-2025 շրջանի առաջին մատաղօրհնութեան նախապատրաստական հաւաքը։ Ըստ ընկալեալ սովորութեան, թրքահայ ազգային-եկեղեցական կեանքէն ներս ամէն տարի առաջին սիրոյ սեղանը կը սարքուի Սամաթիոյ եկեղեցւոյ եւ թաղի Սահակեան-Նունեան վարժարանին ի նպաստ։
Համայնքային շրջանակներէն բազմաթիւ ծանօթ դէմքեր երէկ յետմիջօրէին համախմբուեցան Գուրուչէշմէի Երեւման Ս. Խաչ եկեղեցւոյ մէջ՝ ողջունելու փոքրիկն Լինտա Մեծատուրեանի Ս. Մկրտութեան խորհրդակատարութիւնը եւ խնդակցելու համար անոր երջանիկ ծնողքին՝ Սեւան եւ Անէթ Մեծատուրեան ամոլին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հովանաւորութեամբ ու նախագահութեամբ այս շաբաթավերջին տեղի կ՚ունենայ դէպի Վան տարեկան աւանդական ուխտագնացութիւնը։ Վանայ լիճի Աղթամար կղզիի պատմական Ս. Խաչ եկեղեցւոյ մէջ վաղը կը մատուցուի տարեկան Ս. Պատարագը՝ Խաչվերացի տօնին ընդառաջ։
Թոփգաբուի Լեւոն-Վարդուհեան վարժարանը պատրաստ է 2024-2025 կրթական շրջանի համար իր դռները բանալու։ Վերջերս Թոփգաբուի ընտանիքի պատասխանատուները խորհրդակցութիւն մը ունեցան վերամուտին ընդառաջ։
